د نیویارک په منیځ کې ؛یوم حسین؛ او د حسیني بیرغ رپيدا د کیمرې له سترګې
ایکنانیوز د پارس ټو ډې له قوله راپور راکړ،په امریکا کې اوسیدونکو مسلمانانو د محرم د میاشتې په لومړئ یکشنبې ورځې د ؛یوم حسین یا حسین ډې ؛ په عنوان سره ولولناکې دستورې ترسره کړې.
پارس ټوډې راپور ورکړي، په دغو دستورو کې د نیویارک د منهیټن سیمې په دنګو دنګو ودانیو په مینځ کې د ؛یاحسین ؛ چغو په درستې فضا کې انګازې کولې.
سږکال د ایران ،پاکستان، افغانستان، هندوستان،بنګله دیش ، او نورو ډيرو هیوادونو پشمول له مختلفو هیوادونو څخه په امریکا کې مسلمانان په یوه زړۀ او یووالي سره د نیویارک په منهیټن واټونو کې غونډ شول څو د کربلا د شهیدانو د سردار حضرت اباعبدا... الحسین علیه السلام او د هغه بزرګوار د وفادارو ملګرو په یاد او درنښت کې ؛حسین ډې ؛ په پرتم سره ولمانځي.
د اسلام د ګران پیغمبر د اهل بیت علیهم السلام مینه والو ، د نیویارک د منهیټن سیمې په واټونو کې د ماسپښین او مازدیګر په جماعت سره د لمانځه له اقامې وروسته په مختلفو ژبو کې د کربلا د شهیدانو د حماسي پاڅون د یاددښت لپاره سینه زني او ویر او ماتم وکړ.
په راپور کې وئيل شوي دي، زیاتره کورنیو د نیویارک په سختې ګرمې هوا کې له خپلو واړو ماشومانو سره یو ځای په دغو دستورو کې ګډون وکړ څو دوي د لویدیځ په مادي پالې فضا کې د حضرت امام حسین علیه السلام له مکتب سره له نزدې آشنا کړي.
ګډون کونکو پر عزادارۍ سربیره ، د محمرم دمیاشتې دپخوا دود په اساس ، د خوړو ،اوبو ، شربتو پشمول د نذرونو په ویشلو سره په دغو دستورو کې دګډون کونکو او هغو خلکو چې په منهیټن واټونو کې ددغو دستورو دلیدو لپاره موجود وو، میلمه پالنه وکړه .
ځینو حسینی عزادارو د ګلابو دګل د څانګو او د کربلا دپاڅون په باب په انګریزي ژبه لیکل شوو بروشرونو په ویشلو سره د نورو دینونو لارویانو او خلکو لپاره دغه تاریخي واقعه بیان کړه.
په نیویارک کې مسلمانان پر ؛ حسین ډې؛ سربیره ددغه ښار په مختلفو جوماتونو کې هم شتون پیدا کوي او د مختلفو دستورو په ترسره کولو سره د اباعبدا... الحسین او دکربلا د پاڅون یاد او عزاداري ژوندئ کوي.
